Nostalji ki fé rékòt
Zyé azir dan Latè lib
In plansh enho konkrit… va pa atiré ça ki rès dan Latè lib. Ça p’olé matériyèl dir, ça. Ça gin rempli sô léstoma avèk likid ki koulé… min pa likid-la trouvé dan Koulé Marto obin Koulé Thomspon minm. Ça ki koulé dan moun disan blé – disan azir. Byin pœr, kèk shasè té chwé dé-trò lours nwa dan réjyon-la, mé yé té pa konnin çé té pa ça ki t’apé shasé yé.
Yé vini gran konm in shar, bèt-çayé kashé dan bwa. Yé konnin monté narb-yé, répozé lá, gèté lavi pasé enba. Lontem pasé bèt-çilayé té jish lours nwa normal. Mé moun ki té gin larjen té vini fé nabitasyon é bokou batis. Ça tærbolizé lours nwa-layé paski yé té pi kapab viv san traka. San pœr.
Navé ènn jou, in nonm byin abiyé té vini dan bwa. Li t’apé koupé narb-yé pou bati in lòt kabònn en sô 100 larpen. Ènn group lours té tendé éko lahash apé frapé trònk. Yé té désenn pou arété nonm-la. Yé rijí pou fé li enfwi. Nonm-la té vini pœr, byin sir, pi li fout in kou-d-lahash en latét ènn lours. Pov lours nwa-la té tombé lá, apé mouri drèt akoté sô kamarad-yé.
Labalans group lours nwa-la té komensé ataké nonm-la. Yé déshiré sô jamb é bra, koupayé sô dwa é zortéy, manjé sô zyé, é bwa sô disan. Pou kèk mwa apré ça, lours-layé plin méfyens sé désenn défenn bwa-la, swa manjé moun ki t’apé shasè yé swa brutalizé moun ki t’apé koupé dibwa pou bati kabònn swa masakré mèt é gro bòs sî nabitasyon-yé. Paréy kalimason dan Kousa-la, yé té dévlopé byinvit: lours-layé té grosi in déziyinm pær zyé… ki viní azir apré in ti boudtem. Pi tou yê kat zyé té vini azir.
Lours ki gin zyé azir pa mové. Yé jish apé protéjé yê latè. Y’olé li rèsté lib san moun disan azir. Shasè-yé kwa çé té matériyèl pou bati kishò ki sé fé lours-layé ataké. En fèt, çé té yê disan ké lours-layé té kapab wa avèk yê nouvo zyé azir. Ça briyé konm réyon soléy pendan jounné – é pendan lanwit. Lá, okin malédiksyon kapab tombé sî lours-çilayé akòz y’a wa shak disan azir ki pasé séyé fé yê pir.
Azure Eyes in Freeland
A plank on concrete… will not attract what lives in Freeland. It doesn’t want hard materials. It’s gotta fill it’s stomach with flowing liquid… but not the liquid found in Hammer or Thompson’s Creek. What runs in blue blood people – azure blood. Frightened, some hunters killed two to three black bears in the region, but they didn’t know that wasn’t what was hunting them.
They get really big, like a car, those beasts hiding in the woods. They can climbs trees, lounge in them, watch life pass below. A long time ago these beasts were just normal black bears. But nobles, people with property and money, came to build plantations and erect lots of buildings. It really bothered the black bears because they were no longer able to live without worry. Without fear.
One day, a well-dressed man came into the woods. He was cutting trees to build another house on his 100 aprents. One group of bears heard echoes of an axe striking treetrunks. They got down from the canopy to stop the man. They roared to make him run away. The man was frightened, of course, then he struck one bear in the head with his axe. The poor black bear fell there, dying right next to his comrads.
The rest of the group of black bears started attacking the man. They ripped open his arms and legs, cut up his fingers and toes, ate his eyes, and drank his blood. For some months afterward, the bears, full of distrust, would come down to defend the woods, either by eating folks who were hunting them or brutalizing folks who were cutting wood to build houses and cabins or massacre masters and bosses on plantations. Same as the snails in the Coosa, they evolved rapidly: the bears grew a second pair of eyes… which turned azure sometime afterward. Then all their four eyes turned azure.
Bears with azure eyes aren’t bad. They’re just protecting their land. They want it to remain free, free from folks with azure blood. Hunters think it was materials for building something that would make the bears attack. In fact, it was their blood that the bears were able to see with their new azure eyes. It shines like a ray of sunlight during the day – as well as at night. Now, no curse shall fall on these bears because they’ll see each and every azure blood that passes trying to do their worst.
Çé sèlmen posib fé kopi apré tèks é pòrtré si lartis-la donné pèmisyon ékri.
No text or images from this site may be reproduced without express written permission of the artist.